mar14 Mitxoleta

 

Kalekumeok basoan

Mitxoleta

sin: lo-belarra (Papaver rhœas); es: amapola; fr: coquelicot; en: field poppy.
Altsuma berrien hur zaporeak ederki osatzen du tomate  edo arroz entsalada. Hori bai: jasotakoan, etorri korrika sukaldera, lore gorri eder hau berehala hondatzen da eta. Hosto hezeak, loraldia izan aurretik, ziazerba modura prestaturik goxoak dira eta, 70ºC-tara berotzeari esker, ez zaizkio toxiko gertatzen gizakiari. Toxiko ez, baina eragin lasaigarria duenez, gure artean kontsumitzeari aspaldi utzi zitzaion. Haziek ez dute efekturik; txigorturik uki eta usain goxoa ematen dizkiete ogi, opil, zopa, krema eta antzekoei. Petaloak, berriz, ziropak eta alkoholik gabeko edariak prestatzeko baliatzen dira.

Gutizien apala

Sagardoa, hartzitutako sagar zukua da, hau da, ongi heldutako sagar-muztiotik, hartzidura alkoholikoa bitarte, moldaturiko edaria. Zuberoan izan ezik, herrialde guztietan ekoitzi eta denetan komertzializatzen da (Gipuzkoan 80 sagardotegi, Bizkaian 15, Nafarroan 6, Lapurdin 2) gure edari hau, mota bakar batera aski estandarizatua, oraingoz.

Halaxe, omen

Euskal komentua izan dugu gozo-habia: Elorrioko moja beneditarrek hostore eta mostatxoiak egiten dituzte; Tuterako dominikarrek, aingeru-torradak; Oñatiko Bidaurretakoek borrai-gozoki eta arrozesnea; Arnedo eta Leireko klarisek, garrapiñatuak; Arizkungoek, tutuluak; Urteko beneditarrek, sagar-pastiza; Iruñeko agustindarrek, laxoak eta karmeldarrek, makilak; Deriokoek, mostatxoiak; Donostiako eta Zumaiko karmeldarrek, arrozesnea; Iruñeko Santa Engraziakoek tortadak; Tolosako klarisa lekaimeek almendra-gazta, arroz-pastela, sagar-karlota, Baionako karmeldarrek, madalenak eta sableak; Gareskoek, pastak…

14. martxoa 2014 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu