mar-23 Otila, ogihil edo azimoa

Ogiaz

Otila, ogi hil edo azimoa

Hebraieraz, ogi harroa zymi da, grekeraz bezalatsu; a-zymi harrotu gabea da, zapal, astun eta gogorragoa gurea baino. Egiptoarrek juduak (1250 K.a.) ohartarazi gabe kanporatu zituzten hauen lurraldetik. Iheslariek hartzi gabeko ogi-orea baino ez zuten hartu. Bidean, ogia egiten hastean hura ez zela altxatzen ikusi zuten: hura zen ogi azimoa. Moisesen erabakiz, ogi hil hura tradizioa gogoratzeko jango zen zazpi pazko-egunetan.

 

 

Aholkuak

Arraina sutan gutxi egitea komeni da, oro har. Zenbat eta arrain urdinago, orduan eta gordinago. Atuna eta hegaluzea zukurik gabe geratzen dira, luze egosi ondoren. Hezur ondokoak gorriska agertu behar du. Horrela gustukoa ez baduzu, eman beste minutu bat.

 

Kulturilla

Bainuetxeak

Bainuetxeek biziki bultzatu zuten sukaldaritza, gastronomia eta elikaduraren aurrerakuntza Euskal Herrian XIX. mendeaz geroztik. Gipuzkoari dagokionez, lehena Zestoan sortu zen (1804); gero, Arrasate (1825), Gabiria (1832), Aretxabaleta (1842), Altzola, Azkoitia eta Ataun (1846), Ormaiztegi (1853), Lizartza (1862) eta Eskoriatza (1866) etorri ziren ondotik, baina Euskal Herri osoan hedatzen ari ziren bitartean: Fitero, Belaskoain, Elgorriaga, Mintxate (Uztarrozen), Zuberoa, Kanbo, Urberuaga, Enkarterrietan…

Bezero dirutsu, boteretsu edota ospetsuak kalitatea eskatzen zuen, prezioak prezio, masifikaziotik at. Horrelakoetan jarri ziren Ingalaterra eta Frantziatik etorritako chefak eta bertan ikasi zuten goi mailako sukaldaritzaren berri hemengo emakume askok; hauek jatetxeak (adiera hertsian) sortu, hauetako batzuk findu eta ostatu ospetsu bilakatu ziren, gerora; XX. mendearen 2. herenean euskal sukaldaritza berria sortu zen, establezimendu horietako seme-alabek, gehienbat, eta atzerrian ikasi berriak diren ostalaritzako profesional handiek bultzaturik.

23. martxoa 2014 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu