uzt-15 Asun-krema

 

GLUTENA

Aldameneko hizkuntzetan, berdintsu, latinetik (gluten: lekeda, likatsua) hartu berria baitugu denok.

Zeliakoen organismoak toleratzen ez duen proteina hau zereal askoren hazian dago, almidoiarekin konbinaturik. Ogia eta antzeko oreak labean erretzean, glutenaren eraginez, hartziduraren ondoriozko gasak orean bertan atxikirik geratzen direnez, masa hori hanpatu egiten da eta, orduan, proteina hori mamitzen edo gogortzen denez, harro-harro geratzen da ogia.

Glutena erdiesteko, ura eta zereal batzuen irina (gari, zekale, olo edota garagarrarena) oratu eta uretan ikuzi behar da, etengabe eragin eta astinduz, ura garbi agertu arte: azken produktuak txiklearen antzeko uki likatsu sendoa izango du. Saldan egosi eta horren zaporea hartuko du.

Elikabide begetarianoetan glutena proteina-iturri oparoa izan daiteke, okelaren ordezko egokia.

Labean erretzean, hartzidurako gasei orearen baitan heldu eta, horri esker, masa harrotzen da.

Sukaldaritzan (are industrialean ere) elikagaiari trinkotasuna emateko baliatzen da.

Horra glutenik ez duten zerealak: artoa, artobeltza, basartoa, arroz integrala, kinoa eta amarantoa (azken biak, sasilaboreak, Andeetakoak). Hauek zeliakoek har ditzakete eragozpenik gabe, baina orea ez dute harrotzen.

15. uztaila 2014 by Ulia auzo-elkartea
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu