Uzt-26 Aintzinako ogia, hobea ote?

BRETAINIAKO GASTRONOMIA

Zuetako batzuek oporraldia osorik edo zartika Bretainian emateko asmoa baldin baduzue, hona hemen herrialde senide horrek jan-edateko eskainiko dizuenaren laburpentxo bat. Ondo izan eta goraintziak bretoiei!

Azalpen orokorra: sukaldaritza atlantikoa, kostaldeko herrietan arrain-itsaskien presentzia nabarmena, galiarren eta erromatarren eragina jaso du Bretainiako dieta zeltak menderik mende eta, egun, biziki landutako oreak eta betegarriak dira sukaldaritza herritarraren ezaugarri bereizgarrietako bat.

Berezitasunak: orburu, berro, tipulatx eta azenarioak, coco indabak (zuriak, biribil samar eta azal mehe-mehekoak), barraskiloak; misera, ostra eta beirak, kaoteriad (itsaski edota arrainen kalderadak), gurin gazia, Guerandeko gatz larria, armorikar saltsa (geroko globalizazioan, nonbait, “amerikar” bilakatua), salikornia (itsas zainzuria), larre gazietako arkume berdingabea, krepe ezagun globalizatuak, kouign amann (gurinezko bizkotxoa), farz fourn (gari irin, arrautza, gurin, azukre edo ezti eta esnez osaturiko pastela, inoiz aran osoak dauzkana), kig ha farz (“haragia eta irina”) jakia, odolkiak, lau laurdenak (gurin, irin, azukre eta arrautzez, neurri berdinetan, osatutako bizkotxoa), erreximentaz beteriko harstum, saltxitxaz beteriko enpanada, gaztak (Curé nantais, Machecoulais, Petit Breton, Chandamour, Saint-Gildas-des-Bois, Ti Pavez), etab.

Edariak: Bretainiak sagardo asko ekoitzi du antzinatik: ezaguna da Cornoualleko sagardoa, kir (andere-mahats beltzaren krema eta sagardoaren nahasketa), lambig (sagardo-pattarra); Muscadet (moskatel) ardo gozoa, chouchenn (hidromiel), garagardoa oraindik orain hasi da egiten.

 

 

26. uztaila 2014 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu