Ira-1 Arrautza egosi eta york


SOUFFLÉa

Bihar lagun min baten eguna denez, bazkaria jarriko duela iragarri zuen. Postrerako souffléa egin nahi bai, bainaInortxo perfektua ez denez, hementxe du(zue) formula erraz xamar eta goxo-goxo bat.

Hanpatua, puztua, harrotua… euskaraz. Orain, frantziar sukaldariek sortutako soufflé tradizionalaz ari gara, dagoeneko berrehun urteak beteak dituenaz. Soufflé batek ez du ez oinarrian bizkotxorik, ez bihotzean izozkirik; Alaska tortilla ezagunak, bai.

Souffléa bi eratara presta daiteke: lagun bakar batentzat (horrelakoetan, frantsesez ramequin deritzon berariazko ontzi indibidual portzelanazkoak erabili behar dira) edo taldearentzat; horrela, labe beroan sar daitezkeen kristalezko bol edo entsalada-ontziak, buztinezko kazolak, terrakotazko erretiluak… egokiak dira.

Lagun bakarreko souffléa egiteko osagaiak: 3 arrautza, 2 koilarakada krema pastelera (gainerakoa, gorde beste zerbait prestatzeko), 4 koilaratxo azukre, 50 g karamelu, gurina.
0) Zikindu moldearen (bol, kazola, etab.) barrualdea gurinez eta, ondoren, azukrez (azukre gehiena souffléa egiteko gorde behar dugu, e?).

1) Egin karamelua: berotu azukrea burdinazko padera batean, hasieran su bizian baina, kolorerik hartzen hasita, sua arras jaitsita (puntua hobeki kontrolatzeko)

2) Egin krema pastelera (3/4 litro): litro erdi bat esnetik, gorde 150 g hozkailuan, baso batean ||| egosi gainerako esnea (350 g) kanela zotz bat eta limoi azal batekin; irakin duenean, itzali sua, estali eltzea eta utzi horrela, infusioan, 20 minutuz ||| esne hotzean 50 g maizena ondo-ondo disolbatuko dugu, pikorrik ez agertu arte ||| ipini kazolatxo batean hiru gorringo, 100 g azukre eta irabiatu ondo ||| krema homogeneoa osatu denean, erantsi esne maizenaduna ||| esne, kanela eta limoien infusioa eginik, iragazki batetik pasatuko dugu, krema horiarekin elkartzeko bere kazolatxoan ||| piztu sua eta hasi eragiten malats edo irabiagailuarekin; segi nahasten eta hondoa arakatzen, etengabe, krema loditu arte, su apalean ||| irakin arte eduki dezakezu sutan baina hori ez da ezinbestekoa, esne irakinaren zaporea gustukoa ez baduzu.

3) Bereizi gorringoak eta zuringoak. Esku batez arrautza hautsi eta bestea azpian jarriko dugu, iragazgailu modura, zuringoa ontzi batera erori eta gorringoa eskuan gera dadin.
4) Jo zuringoak eta gainerako azukrea elur punturaino.

5) Gehitu hiru gorringo eta karamelua bi koilarakada kremari eta nahasi ondo.

6) Antolatu gurin eta azukrez zikindutako moldean.

7) Labea 220ºC tenperaturan dago: erre bertan souffléa 15 minutuz eta zerbitzatu derrepentean

Zorionak, sorgina!!

01. iraila 2014 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu