Ira-11 Xabiroi frijituak

 

EMULTSIOA

Latinezko mulcere hitzak nahastea esan nahi du euskaraz. Emultsioa, beraz, nahasketa.  Egoera normalean elkarrekin nahasgarriak ez diren bi likidoren elkarketa hertsia da emultsioa.

Eskuarki, bitarteko mekanikoak (astinketa, zentrifugazioa) edo bestelakoak (substantzia eragile edo emultsionatzaileak) erabiliz, likido batean (ur edo oliozkoan), berarekin berez nahastezina den beste likido bat (olio edo urezkoan), ttantta edo partikula txiki-txikitan sakabanatzearen ondorioz osatzen den produktua da emultsioa. Horren adibideak ohikoak dira sukaldaritzan: maionesa, olio-ozpinak, pil-pil, all-i-oli eta hamaika saltsa industrial, etab. Produktu berri hori ez da beti egonkor edo iraunkorra, bereizteko joera agertuko baitu zenbaitetan.

Mousse izeneko apar edo bitsak emultsioen tankerakoak dira: hauetan, bi substantziak likidoak izan ordez, horietako bat gasa da eta likidoan barreiatzen da, burbuila ñimiñotan.

 

EMULTSIONATZAILEA

Elikadurari dagokionez, jaki-osagaien emultsio prozesua eginarazten edo laguntzen duten gehigarri kimikoak dira. Substantzia horien zeregina jakien egitura edo ukiari gantzutasun handiagoa ematea da Nekazaritzako elikagaien industrian baliatzen diren emultsionatzaile behinenak bi hauek dira:

  1. lezitina naturala, txokolatezko elikagaietan, bereziki;
  2. gantz-azidoen monoglizerido eta diglizeridoak, izozki eta opil industrialetan; substantzia hauek hidrolisi bidez erdiesten dira, animali  edo landare-jatorridun koipeetatik abiatuta (gilbor edo zioa eta palma olioa dira ezagunenak).

11. iraila 2014 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu