Aza-26 Antzara edo ahatea urinetan (konfit)

MISE EN PLACE (I)

Berrehun bat aholku, baita sukaldean lardaskan ibiltzeko ere

Horrela esaten zaio frantsesez, mise en place, gauzak bere tokian ipintzeari, dena pronto uzteari. Janaria prestatzen hasi behar dugu eta, inoiz inprobisatzea gertatuko bazaigu ere, hobe da metodologiaz aritzea, pauso batzuk ematea ez baita alferrik galduriko lana.

Janaria egiten hasi aurretik mahai gainean ipiniko ditugu errezetako osagai guztiak (barazki, patata, arrain, irin…) eta horiek prestatzeko tresnak (labana, irabiagailua, bola, zurigailua…).

Bigarren fasean, lehengai horiek transformaturik antolatuko ditugu: piper, porru, azenario eta tipula xehe-xehe ebakita, olioa neurtuta, patatak zuritu eta moztuta, ura irakiten, tomatea iragazita, irin, azukre eta legamia nahasita…

Sukaldaritza profesionalean ezinbestekoa da mise en place on bat antolatzea: jatetxeetan, zerbitzua ematen hasterako denetik dute prest: tipula xehatuta, hainbat saltsa, gurin-irin nahasketa, arrain fumet edo salda, haragi funtsa, arrautza irabiatua, lagungarriak (ilar glaseatuak, patata erdi-frijituak), limoi xerrak, perrexila xehatuta…

Ur sakon horietara iritsi gabe ere, gomendio orokorren bat barreiatuko dugu gaur eta bihar, arinki, hastapenetan egoki samar abiatzeko. Guk, normalean, horietako asko betetzen ditugu. Hurrengo batean, berriz, sukaldaritzazkoak ematen saiatuko gara.

26. azaroa 2014 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu