RZ: bakailao boloniarra (15.03.31)

Bakailao bolognarra

Bolonia Erdi Aroaz geroztik berebiziko gune geo-estrategikoa izan da: merkataritza beste gutxitan bezain oparoa gorpuztu da aspalditik eta bakailaoa Errenazimenduan sartu omen zen, Europako hirigune nagusi askotan bezala. Formula hau zahar eta herritarra da, eta bertakoek pastaz, patataz edo arrozez laguntzen dute, betegarri.

bacalao a la boloñesa bilaketarekin bat datozen irudiak

 

 

OSAGAIAK (4 lagunentzat) 

225 g-ko 4 pusketa bakailao

 

3 baratxuri xehatu

2 koilarakada perrexil xehatu

1,5 dl oliba olio birjina

25 g gurin

limoi bat, laurdenetan ebakia

piperbeltz beltza, eho berria

 

Bakailaoa 36 orduz gutxienez beratu beharko da, ura hiru aldiz aldatuz. Edukitzeko toki egokiena hozkailua da. Gezatzeko denbora faktore askoren —pusketen lodiera, uraren osaketa, tenperatura, etab— arabera aldatzen denez, adierazitako denbora hori erreferentzia gisa soilik ematen dugu. Horrenbestez, arrain pusketak uretatik atera eta kazolan sartu aurretik, gatz puntua dastatzea komeni izaten da beti.Ongi xukatutakoan, erauzi bakailaoari hezurrak eta ezkatatu; ondoren, lehortu zapi batekin.

Jarri kazolan olioa eta bertan bakailao pusketak, azala gorantz. Hautseztatu piperbeltza, gehitu perrexila eta baratxuri xehatuak. Zabaldu azaleran gurina, pusketa txikitan.

Ipini su bizian eta astindu bi minutuz etengabe, olioak irakiten duelarik. Ondoren, jaitsi sua, irauli arrain pusketak kontu handiz eta eduki horrela beste pare bat minutuz. Bakailaoaren barrualdeak zukutsua egon behar du. Sutatik kazola kentzean, oraindik eskura dugun perrexil xehatua zabalduko dugu gainetik. Zuzendu gatz puntua.

Zerbitzatzeko, busti bere saltsaz eta erantsi ttantta bat limoi zuku, aukeran.

 

31. martxoa 2015 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu