RZ: bakailao bordelesa (15.04.07)

Bakailao bordelesa

bacalao a la bordelesa bilaketarekin bat datozen irudiak

Bakailao arrantza du Bordeleko portuak jarduera bizienetako bat, etxetik irten eta bertan harrapatzen baitute arrain hori. Joera eta zaletasun gastronomikoek mende oso honetan nozituriko aldaketek berebiziko eragina izan dute bakailaoaren prestaeretan ere: egun, adibidez, bakailaoa ez da fresko edo gatzetan lehorturik kontsumitzen, gatzunetan kontserbatuta baizik, horrela zapore delikatuagoa agertzen duelako. Formula tradizional honetan, ikusiko dugunez, jakiaren “biziegia” haragi saldaz moteltzen da.

 

 

(4 lagunentzat)Kilo erdi bakailao, lehor eta papurturik

 

4 koilarakada oliba olio

tipula bat, xehe-xehe ebakita

2 baratxuri, xehe-xehe ebakita

1 dl tomate-saltsa

½ dl haragi salda (pastillakoak ere balio du)

piperbeltz beltza

gatza

 

 

Bakailaoa 24 orduz gutxienez gezatu beharko da, ura behin bakarrik aldatuz. Edukitzeko toki egokiena hozkailua da. Beratzeko denbora faktore askoren arabera aldatzen denez —pusketen lodiera, uraren osaketa, tenperatura, etab—, adierazitako denbora hori erreferentzia gisa soilik ematen dugu. Horrenbestez, arrain pusketak uretatik atera eta kazolan sartu aurretik, gatz puntua dastatzea komeni da.Arrain pusketak, urez estalirik, su eztian ipinitako kazolan jarri eta hantxe edukiko ditugu, ura pil-pil arinean hasi arte. Orduan, kendu kazola sutatik, itxaron minutu bat, atera arraina eta xukatu. Eskuak erre gabe maneiatzeko arrain pusketak egoki (epel) daudela, erauzi hezur eta azalak eta bereizi mamia lamatan.Olioa daukan kazola zabala su eztian ipini dugu: jarri bertan tipula eta baratxuria gatz pittin batez, eta utzi horrela, astiro-astiro, gorritzen hasi eta erabat samurtu arte (40 minutu, behintzat).

Erantsi orduan tomate saltsa, piperbeltz ehoa eta salda, eta utzi dena egosten bost bat minutuz. Orduan, gehitu bakailao lamak tomate saltsa horretara eta berotu une batez. Arraina ez da inola ere lehortu behar.

Platera gelatinatsu eta zukutsuago egin nahi bada, lehenago egosi eta aparte utzitako arrain azalak eskuratuko ditugu berriro: ebaki xehe-xehe eta gehitu kazolakoari, amaiera aldean.

Zuzendu gatz puntua eta zerbitzatu: hornitzeko, aukeran, egosi berri eta xerratan ebaki ditugun patata horiek.

07. apirila 2015 by edortagirre
Categories: Sailkatu gabea | Leave a comment

Leave a Reply

Required fields are marked *


Tresna-barrara saltatu